20 Атырдьах ыйа 20.08
  • 13°
  • $ 59,13
  • 59,39

Саха сирэ бэриллибит Уһук Илиҥҥи гектар ахсаанынан иккис миэстэни ылар

Уһук Илиҥҥи гектар ыларга оҥоһуллубут дуогабар ахсаанынан Саха сирэ Приморье кэнниттэн иккис миэстэни ылар. Бу туһунан регион бырабыыталыстыбатын бэрэссэдээтэлин бастакы солбуйааччы Кирилл Бычков Дьокуускайга буолбут «Арктика — территория развития» диэн комфортнай эйгэни хааччыйар кэмпириэнсийэҕэ иһитиннэрбитин СИА кэпсиир.

Кини этэринэн, 11 675 дуогабар түһэрсиллибит, баһылааһын бырыһыана 21 %-ны аһарбыт. Сүрүннээн, ылыллыбыт гектары дьиэ-уот туттарга, тыа хаһаайыстыбатыгар уонна туристическай бырайыактары олоххо киллэриигэ туһаналлар. Бастыҥ холобур быһыытынан вице-премьер Хаҥалас улууһугар баар «Бэс Тумус», «Тукулаан» уонна «Лунный свет» турбазалары бэлиэтээтэ.

«Уһук Илиҥҥи гектар» бырагыраама Арассыыйа олохтоохторугар 1 гектар иэннээх сир учаастагын босхо ылар быраабы биэрэр, 2016 сыл бэс ыйын 1 күнүттэн Уһук Илин уокурук олохтоохторо, оттон олунньу 1 күнүттэн 2017 сылга — Арассыыйа атын территориятын олохтоохторо туһаныахтарын син.

Следите за самым важным и интересным в Telegram-канале и WhatsApp-группе ЯСИА
0
0