21 От ыйа 21.07
  • 17°
  • $ 88,02
  • 96,04

Саха сирэ бастакы «көмүһүн» пауэрлифтиҥҥа ылла

15:27, 06 июля 2016
Читайте нас на
Яндекс Новости
ЯДВ

Бүгүн, от ыйын 6 күнүгэр, «Азия оҕолоро» Спортивнай оонньуулар чэрчилэринэн «Модун» спорткомплекска пауэрлифтиҥҥа күрэхтэһии саҕаланна. Хамсаналлара кэһиллибит инбэлиит спортсменнарга, кыргыттарга штанганы сытан эрэ өрө анньыыга Саха сирин икки спортсменката «Көмүс» мэтээли ылла.


55 киилэҕэ диэри ыйааһыннаахтарга Карина Попова 37 киилэлээх штанганы өрө анньан, «Азия оҕолоро» норуоттар икки ардыларынааҕы спортивнай Оонньууларга аан бастакынан кыһыл көмүс мэтээли аҕалла. Бу ыйааһыҥҥа «үрүҥ көмүһү» эмиэ Саха сирин сүүмэрдэммит хамаандатын бэрэстэбиитэлэ Маргарита Левенцева ылла.

45 киилэҕэ диэри ыйааһыннаахтарга 41 киилэлээх Казахстан спортсменката, маастарга кандидат Турсынай Кабыл 61 киилэлээх штанганы өрө анньан сөхтөрдө. Онтон 55 киилэттэн үөһээ ыйааһыннаахтарга Саха сирин спортсменката Надежда Кылосова үчүгэй түмүгү көрдөрөн бар дьонун  үөртэ.

Бүгүн 16.00 чаастан пауэрлифтиҥҥа уолаттарга күрэхтэһии саҕаланар.

Следите за самым важным и интересным в Telegram-канале и WhatsApp-группе ЯСИА