21 От ыйа 21.07
  • 22°
  • $ 88,02
  • 96,04

"Саха сирэ А-ттан Я-ҕа диэри": СИА электроннай энциклопедияны оҥорон таһаарда

15:48, 26 сентября 2016
Читайте нас на
Яндекс Новости
ЯДВ

«Сахамедиа» холдинг састаабыгар киирэр СИА Саха сиригэр маҥнайгы электроннай энциклопедияны сүрэхтээтэ. Манна араас ис хоһоонноох, нууччалыы тылынан суруллубут 2 тыһ. кэриҥэ ыстатыйа киирдэ. Ити туһунан СИА кылаабынай редактора Вячеслав Стручков эттэ.


«Саха сиригэр олох бары эйгэтин хабар систиэмэни оҥорор туһунан санаа баара. Билигин иһитиннэриилэргэ энциклопедия ыстатыйалара хос киириэхтэрэ», —диэтэ Вячеслав Стручков.

Сарсын, балаҕан ыйын 27-гэр судаарыстыбаннас күнэ бэлиэтэнэр. Бу күҥҥэ сыһыары тутуллан бу бырайыак олоххо киирэр.

Энциклопедияҕа историяҕа, бэлиитикэҕэ, экономикаҕа, этнографияҕа, спортка, култуураҕа сыһыаннаах ыстатыйалар бааллар. Ону таһынан биллэр-көстөр дьон биографияларын булуохха сөп. Электорннай таһаарыыны Лия Левчикова иилиир-саҕалыыр.

«Ыстатыйалары бэлэмниир балачча ыарахан процесс. Маны быһа холуйан аҕыс ый устата бэлэмнээтибит. Манна научнай, кыраайы үөрэтии үлэлэрин, Интернет дааннайдарын туһанныбыт. Тэрилтэлэр бэйэлэрин үлэлэрин туһунан иһитиннэриилэри киллэриэхтэрин баҕарар буоллахтарына, баҕа санааларын, ыйытыктарын уонна этиилэрин yaspravka@mail.ru аадырска ыытыахтарын сөп», — диэтэ кини.

Энциклопедия матырыйааллара рубрикаларынан араарылыннылар, алпаабыт бэрээдэгинэн киирдилэр. СИА халандаарыгар туох-ханнык быһыы-майгы буолбутун XVII сылтан саҕалаан көрүөххэ сөп.

«Таһаарыыга иһитиннэрии уларыйа турар, саҥардыллар, эбиллэр. Ити биллэн турар, ааҕааччыбыт, көрөөччүбүт ахсаанан элбэтэр. СИА сөптөөх суолу тутуһан иһэр. Биһиги агенствоны көдьүүстээхтик сайыннарабыт», — диэтэ «Сахамедиа» холдинг генеральнай дириэктэрэ Кирилл Алексеев.

«Саха сирэ А-ттан Я-ҕа диэри» оскуола үөрэнээччилэригэр, устудьуоннарга, суруналыыстарга олус наадалаах диэн генеральнай дириэктэри солбуйааччы Петр Васильев эттэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар