Саха сиригэр дойду президенэ Владимир Путин көҕүлээһининэн олоххо киирэр «Экологическай чэгиэн-чэбдик буолуу» национальнай бырайыакка киирэр «Ойууру харыстааһын» регионнааҕы бырайыагынан тэрээһиннэр толору туоллулар. Бу туһунан өрөспүүбүлүкэ экологияҕа, айылҕа харыстабылыгар уонна тыатын хаһаайыстыбатыгар министиэристибэтин пресс-сулууспата иһитиннэрэр.
2025 сылга ойууру чөлүгэр түһэрии 9 190 гектардаах сиргэ ыытылынна. Тэрээһиннэр комплекстарыгар ойуур саҥардылларыгар көмөлөһүү, эдэр маһы көрүүнү ыытыы, синньэтии, оһуордааһын, харайыы уонна да атын агротехническай тэрээһиннэр киирдилэр. Көдьүүһүн сүрүн көрдөрүүтэ — ойууру чөлүгэр түһэрии уонна сүппүт оннуларыгар тэҥнээһинигэр ураты болҕомто уурулунна. 2025 сыл алтынньы 14 күнүнээҕи дааннайдарынан, көрдөрүү 100% былааннаах таһымтан 379,1% тэҥнээтэ, федеральнай сыал суолтатын лаппа куоһарда.
Ойууру чөлүгэр түһэрии үлэтин түмүгүнэн ойуур пуондатыгар ойууру чөлүгэр түһэрии иэнэ 150 749,12 тыһыынча гектардаах, былаан 107,604 тыһыынча га. Ойуур баһаарын иэнэ 2021 сылга тэҥнээтэххэ 96,3% тиийдэ, былаан 37,2%.
Ылбыт үтүө уопуту кэлиҥҥи сылларга сайыннарар, тупсарар былааннаахтар.
This post was published on 30.10.2025 10:22 10:22