Беларусь уонна Польша састаабыгар киирсэн, саха легионердара көҥүл тустууга Европа чемпионатыгар кыттыахтара. Тренердэр ыстааптара хамаандаларын сүүмэрдээн бүттүлэр, суруйар СИА.
Европа чемпионата Варшаваҕа муус устар 19 күнүгэр стартыыр. Россия сүүмэрдэммит хамаандатыгар саха тустууктара хапсыбатылар, ити эрээри онно иккис нүөмэрдэр киирдилэр.
Саха сирин тустууктара Беларусь уонна Польша сүүмэрдэммит хамаандатыгар бааллар. Бастакы хамаандаттан Арыйаан Тютрин (57 кг), Андрей Бекренев (65 кг) тустуохтара. Польша састаабыттан Эдуард Григорьев (61 кг) көбүөргэ тахсыа.
Олимпийскай оонньууларга путевка манна оонньоммот.
