Ил Дархан Айсен Николаев бырабыыталыстыба уонна дьаһалта салалтатын кытта мунньахтаата. Кэпсэтиигэ Саха Өрөспүүбүлүкэтин күнүгэр бэлэмнэнии боппуруостара ырытылыннылар, регион салалтатын пресс-сулууспата суруйда.
«Быйыл Өрөрспүүбүлүкэ күнүгэр хас да суолталаах эбийиэги үлэҕэ киллэрэбит, геройдарбытын уонна үлэ кэлэктииптэрин чэстиибит. Саха сирин хас биирдии олохтооҕор уонна ыалдьытыгар бу бырааһынньык суолтатын тириэрдэр соруктаах тэрээһин үлэни хааччыйарга этэбин», — диэтэ Айсен Николаев.
Улахан болҕомто муус устар 27 күнүгэр буолар Ил Дарханы кытта «Прямая линия» биэриигэ ууруллуохтаах. Өрөспүүбүлүкэ салайааччытыгар ыйытыыны хайдах биэрэри манна аах. Айсен Николаев быһа холбонуу кэмигэр киирбит хас биирдии ыйытыыга эппиэт баар буолуохтааҕын эттэ.
This post was published on 22.04.2025 13:07 13:07