НВК САХА — Саха сириттэн Нюргуяна Никифорова Россия дзюдоҕа чемпионатыгар кыһыл көмүс мэтээли ылла. Бу туһунан «Спорт Якутии» хаһыат тириэрдэр.
«Миэхэ күөн көрсүһүүлэр бары ыараханнык аастылар, ол иһин түмүгэ үөрдэр, тустууттан соччо астымматым. Бу иннинэ ыалдьан түһэрбит ыйааһыммын түргэнник төнүннэрэр туһугар үлэлиэм», – диэн кэпсиир Нюргуяна.
78 киилэҕэ диэри ыйааһыннаахтар бөлөхтөрүгэр Россия чемпиона буолар иһин 20-тэн тахса спортсмен күөн көрүстэ. Нюргуяна Никифорова күрэс кэмигэр Ульяновскай куораттан сылдьар Наталья Тарасованы, Москваттан сылдьар Татьяна Лялинаны уонна Татарстантан Александра Гиметладинованы кыайда.
Источник: http://nvk-online.ru
This post was published on 09.09.2019 10:26 10:26