Кикбоксиҥҥа Уһук Илин чемпионатыгар Саха сирин сүүмэрдэммит хамаандата лоу-кик дисциплинаҕа 21 мэтээли ылла, ол иһигэр аҕыһа — кыһыл көмүс.
ДВФО чемпионата ССРС-тан аан дойдуга бастакы чемпион Александр Иванов сырдык аатыгар «Дохсун» спорткомплекска кулун тутар 3 күнүгэр түмүктэннэ.
Андрей Алексеев салайааччылаах Саха сирин сүүмэрдэммит хамаандата аҕыс кыһыл, сэттэ үрүҥ, сэттэ боруонса мэтээли ылла.
Чемпионнаатылар Михаил Слепцов (54 кг), Сергей Иванов (57 кг), Тимофей Сивцев (60 кг), Вадим Колтовской (63,5 кг), Артём Бутко (67 кг), Айтал Петров (71 кг), Валентин Шелепанов (81 кг) уонна Адулай Хуцуруев (91 кг).
Үрүҥ көмүс — Никита Ковлеков (57 кг), Станислав Румянцев (60 кг), Дмитрий Иванов (63,5 кг), Виктор Ломпоров (67 кг), Михаил Иванов (71 кг), Надежда Павлова (52 кг) уонна Сарыада Брызгалова (60 кг).
Үһүс миэстэ Николай Матвеев (54 кг), Спиридон Антонов (54 кг), Мурад Гулиев (60 кг), Егор Евстафьев (63,5), Габриел Афанасьев, Павел Попов (67 кг) уонна Гэсэр Гатыпов (75 кг).
Уһук Илин чемпионата быйыл 118 кыттааччыны Приморскай, Хабаровскай, Камчатскай кыраайдартан, Амур уобалаһыттан, Бурятияттан, Сахалинтан уонна Саха сириттэн түмтэ.
This post was published on 05.03.2024 10:33 10:33