Соҕуруу Кэриэйэ Пусан куоратыгар Айаал Адамов «Айыы Куо» киинэтэ аан дойдутааҕы премьерата буолла. Саха режиссерун киинэтэ Арассыыйа аатыттан бэстибээлгэ кытынна. Быйыл бэстибээл 40-с төгүлүн ыытылынна. Барыта 113 дойдуттан 3582 сайаапка киирбититтэн, шорт лиискэ 40 хартыына хапсыбыт диэн, Саха сирэ суруйар.
Мистическэй драмаҕа икки эдьиийдии-балыстыы кыргыттар тустарынан кэпсэнэр. Устудьуон кыыс эдьиийэ өлбүтүн туһунан истэр. Кини Санкт-Петербург куораттан тыа сирин дэриэбинэтигэр эдьиийин көмө кэлэр. Кыыс манна аны урукку олоҕор төннөр кыаҕа суоҕун өйдүүр.
Айаал Адамовы үгүстэр «Злой мамбет» быһыытынан билэллэр. Кини кавер-версияларын элбэх киһи көрбүтэ. Айаал билигин Санкт-Петербурга баар Александр Сокуров мастарыскыайын бүтэрбитэ. Бу киинэ режиссер дипломнай үлэтинэн буолар.
Ааптар: Ульяна Захарова
This post was published on 16.05.2023 16:03 16:03