Аһаҕас киберспорт — 2022 оонньууларыгар Саха сириттэн HOTU eSports хамаанда састааба Dota 2 и CS:GO дьиссипилиинэлэргэ плей-офф аастылар. Бүтүн Арассыыйатааҕы чемпионат бирииһин пуондата 3,5 мөл. солк. тэҥнэһэр, диэн СИА кэпсиир.
Плей- офф стадията сэтинньи 19-20 күннэригэр ыытыллыаҕа. Бу чааһыгар хас биирдии дьиссипилиинэҕэ түөртүү хамаанда кыттыаҕа. Чемпионат кыайыылаахтарыгар 800 тыһыынча солкуобайы туттарыахтара.
Саха сириттэн CS:GO хамаандатыгар Эрхан Gokushima Багынанов, Ньургун Swiftsteel Аввакумов, Александр CasE Корнилов, Александр Ruler Максимов уонна Дмитрий Mizu Кондратьев киирэллэр.
Dota 2 сүүмэрдэммит хамаандатыгар: Никита Ожиганов (Selfhate), Никита Кашкан (Lonely), Николай Халяпин (Ktamop), Дилшоджон Тажибаев (Raxus), Евгений Погребешный (Fsd) бааллар. Турнир хаамыытын официальнай саайтка, ону тэҥэ Россия ФСК социальнай ситимнэригэр эмиэ көрүөххэ сөп.
