Саха көтөр фабрикатын бородууксуйатын икки көрүҥэ дойдуга бастыҥынан билиниллэн, Россия бастыҥ 100 табаарын рейтинигэр киирдэ.
Сэтинньи 14 күнүгэр «Лучшие товары Якутии – 2025» куонкурус уонна «100 лучших товаров России» бырагыраама Бүтүн Россиятааҕы куонкуруһун кыайыылаахтарын наҕараадалыыр үөрүүлээх сиэрэ-туома буолан ааста.
«Быйыл куонкурус өрөспүүбүлүкэтээҕи түһүмэҕэр 46 тэрилтэ 78 сайаапкалаах кытынна. Бу кэнники сэттэ сылга холоотоххо, икки төгүл элбэх. Урбаанньыттар сыһыаннаһыылары, маркетинг бэлиитикэтин, бородууксуйа дизайнын уонна кадровай быһаарыылары уларыттылар. Бүтүн Россиятааҕы түһүмэххэ 20 тэрилтэни туруорбуппут, олортон үгүстэрэ диплом ылан бородууксуйаларыгар куонкурус кыһыл көмүс бэлиэтин тутар быраабы ыллылар», — диэтэ регион предпринимательствоҕа, эргиэҥҥэ уонна туризмҥа миниистирэ Георгий Андреев.
Саха сирин көтөр фабрикатын бородууксуйатын икки көрүҥэ быйыл дойдуга бастыҥынан билиниллэн, Россия бастыҥ 100 табаарын рейтинигэр киирдэ. Бу иккис категориялаах куурусса сымыыта. 1 степеннээх дипломҥа «Кыһыл көмүс сүүс ахсаана» иһигэр киирбит куурусса миин буолар этэ тигистэ.
Дьокуускайдааҕы көтөр фабриката «Хаачыстыба Туйгуна» бочуоттаах бэлиэнэн бэлиэтэннэ уонна үөһэ ыйыллыбыт икки категориялаах бородууксуйаны Судаарыстыбаннай региональнай стандартизация, метрология уонна тургутуу киинэ Саха сиригэр хаачыстыба декларацияларын туттардылар.
This post was published on 17.11.2025 11:33 11:33