15 От ыйа 15.07
  • 26°
  • $ 87,74
  • 95,76

Саха гимнасткаларын алтынньытааҕы ситиһиилэрэ үөрдэр

10:18, 01 ноября 2023
Читайте нас на
Яндекс Новости
ЯДВ

Ааспыт өрөбүллэргэ Саха сирин гимнастикаҕа хомуур хамаандатын алын бөлөҕүн иитиллээччилэрэ “Преодолей себя” диэн Бүтүн Арассыыйатааҕы турнирга бастаата. “Чкалов-арена” успуорт комплексыгар Яна Луконина бирииһигэр ыытыллыбыт аһаҕас күрэхтэһиигэ биһиги кыргыттарбыт бырагыраамаларын көрдөрөн атын хамаандалары кэннилэригэр хааллардылар.

Ааспыт алтынньы ыйга гимнасткалар ситиһиилэрэ элбэх. Ол курдук, Саха сирин гимнастикаҕа хомуур хамаандатын саамай уопуттаах чилиэнэ Зарина Борисова «Новогорская осень-2023» аһаҕас турнирга кыайбыта. Кинини кытта кыайыы пъедесталыгар үрүҥ көмүс мэтээли кэтэн Дарья Христофорова турбута. Кыргыттар билигин Ирина Винер аатынан гимнастика киинигэр дьарыктаналлар.

Егор Карпов, Саха сирэ

Следите за самым важным и интересным в Telegram-канале и WhatsApp-группе ЯСИА
Тутаах тыллар