Араас регионнартан 125 боксер кыттыылаах боксаҕа күрэхтэһии Уһук Илин уокурук Благовещенск куоратыгар түмүктэннэ. Саха сирин боксердарыттан хас даҕаны спортсмен финалга киирдэ, үс кыһыл көмүс мэтээли, уонна 3 боруонса мэтээли ситистилэр, диэн СИА иһитиннэрэр.
Уһук Илин федеральнай уокурук күрэхтэһиитэ 15-16 саастаах уолаттар ортолоругар ыытылынна. 50 кг диэри ыйааһыҥҥа финалга аҥардас сахалар киирсиилэрэ буолла, онно Айсен Павлов бэйэтин биир дойдулааҕыттан Ариан Егоровы кыайда. 54 кг диэри Саха хамаандатыгар кыһыл көмүс мэтээли Забайкальскай кыраай бэрэстэбиитэлин кыайан Вадим Дербин аҕалла. Өссө биир кыһыл көмүс мэтээли 57 кг диэри ыйааһыҥҥа кыттыбыт Руслан Никитин аҕалла.
Уһук Илин күрэхтэһиитин финалыгар диэри Саха сириттэн түөрт боксер — Никита Попов (52 кг), Владимир Митин (60 кг), Андрей Портнягин (66 кг), Арылхан Крылов (+88 кг) тиийдилэр.
Боруонса мэтээллэринэн Максим Припузов (46 кг), Александр Иванов (48 кг), Валериан Богатенков (70 кг) наҕараадаланнылар.
