14 От ыйа 14.07
  • 16°
  • $ 87,74
  • 95,76

Саха бөҕөстөрө Киевкэ тустуохтара

14:02, 16 февраля 2018
Текст:
Читайте нас на
Яндекс Новости
ЯДВ

Олунньу 23-25 күннэригэр Киев куоракка Украина уһулуччулаах тустууктарыгар, тириэньэрдэригэр анаммыт XXII норуоттар икки ардыларынааҕы турнир буолар.  


Бу үгэс быһыытынан сыллата ыытыллар түһүлгэҕэ тириэньэрдэр Вадим Семеновуонна Данил Неустроев салалталарынан Саха сирин бөҕөстөрө эмиэ кыттыахтара. Ол курдук, 57 киилэҕэ диэри ыйааһыҥҥа Арассыыйа икки төгүллээх боруонса призера Арыйаан Тютрин уонна “Роман Дмитриев” турнир кыайыылааҕа Федор Постников, 61 киилэҕэ ыччаттарга дойду 2015 сыллааҕы боруонса призера Айтал Захаров, Арассыыйа 2016 сыллааҕы чөмпүйүөнэ Егор Пономарев, “Дмитрий Коркин”, “Александр Медведь” норуоттар икки ардыларынааҕы турнирдар финалистара Эдуард Григорьев (61 кг) тустуохтара. Д.Кунаев мемориалын кыайыылааҕа Константин Власов 70 киилэлээхтэргэ күүһүн холоһуоҕа.

Киевтээҕи түһүлгэҕэ саха тустууга оскуолатын икки иитиллээччитэ – Македонияттан Владимир Егоров (57 кг) уонна Белоруссияттан Владислав Андреев (57 кг) кытталлара күүтүллэр.

Следите за самым важным и интересным в Telegram-канале и WhatsApp-группе ЯСИА