СИА - СпортСүрүн сонуннар

Саха бөҕөһө Лев Павлов 24-гэр диэри саастаахтарга Европа чемпиона буолла

Хаартыска: ЯСИА саайта

Саха сирин бөҕөһө Лев Павлов 24-гэр диэри саастаах эдэрдэргэ Европаҕа бастыыр иһин киирсиигэ чөмпүйүөн аатын ылла. Финалга Грузия тустуугун баһыйа тутарын көрдөрдө, суруйар ЯСИА.

Лев Павлов Албанияҕа көҥүл тустууга Европа чемпионатыгар Россия сүүмэрдэммит хамаандатыттан киирдэ. Кини дойдуну 57 кг диэри ыйааһыҥҥа көмүскээтэ.

Кулун тутан 9 күнүгэр саха бөҕөһө 3:0 ахсаанынан Азербайджантан киирсэр Рахман Имановы кыайар. Салгыы Македония күүстээҕин Стефон Штёрджоны утары тахсар, биир мүнүүтэнэн ахсааны 10:0 оҥорор.

Финал аҥаарыгар Лев Павлов 10:0 ахсаанынан украинец Владислав Абрамовы сабардыыр.

Кыһыл көмүскэ киирсиилэригэр Павловка утары грузин Ника Зангаладзе тахсар. Былырыын кинигэр 21-гэр диэри саастаахтарга хапсыспыттара. Онно саха бөҕөһө (8:7) кыайбыта.

Бу сырыыга Лев Павлов үрдүк кылаастааҕын көрдөрдө. Иккиэннэригэр сэрэтии бэриллэр. Павлов накаттыыр. Утарылаһааччытын секундана сөбүлэспэт, арбитр быһаарыытын көтүттэрэ сатыыр, ити эрээри челлендж хотторор. Павловка эбии баал бэриллэр. Кини кыаҕын бүтэһиккэ диэри тутар уонна 6:1 ахсаанынан грузины кыайар.

This post was published on 10.03.2025 12:09 12:09

Лев ПавловСпортЧемпионат по вольной борьбе