Приморскай кыраай киин куоратыгар Саха сирэ диэн уулусса арылынна, онно Саха АССР тэриллибитэ 100 сылыгар аналлаах өйдөбүнньүк таас туруорулунна. Бу туһунан Уһук Илиҥҥи федеральнай уокурукка республика бастайааннай бэрэстэбиитэлистибэтин пресс- сулууспата иһитиннэрэр.
Үбүлүөйдээх даатаҕа аналлаах мемориальнай бэлиэ уулусса саҕаланыытыгар туруорулунна пресс- сулууспа суруйар. Сиэр- туом алгыһынан арылынна, оһуохайынан түмүктэннэ.
Владивосток баһылыгын солбуйааччы Дарья Стегний эҕэрдэ тылыгар Владивосток уонна Дьокуускай ыккардыларыгар бииргэ үлэлээһин сүрүн хайысхалара баалларын тоһоҕолоон бэлиэтээтэ. Ол иһигэр кини атырдьах ыйын саҥатыгар бииргэ үлэлээһин туһунан сөбүлэһии түһэрсиллибитин санатта.
Илиҥҥи экономическай форум иннинэ аһыллыбыт пааматынньык норуоттар доҕордоһууларын бэлиэтиир, диэн Саха сирин бэрэстэбиитэлистибэтигэр бэлиэтээтилэр.
This post was published on 05.09.2022 13:28 13:28