Саха АССР 100 сылыгар БКЭ-тин 100 баалга туттарбыт оҕоҕо 100 тыһыынча солк биэриэхтэрэ, суруйар СИА-ҕа регион сүрүн пресс-сулууспата.
Ил Дархан Айсен Николаев быһаарыытынан, Саха АССР 100 сылыгар биир кэлим эксээмэни 100 баалга суруйбут выпускникка 100 тыһ солк туттарыахтара.
«БКЭ-ҕэ 100 баалы ылыы — бу 11 сыллаах үөрэх саамай үрдүк ситиһиитэ. Ситиһии көннөрү кэлбэт, улахан үлэ түмүгэ, сыаллаах тургутуу. Оҕолор кыһаллыбыттарыгар, туйгун көрдөрүүлэммиттэригэр бу үтүөлээх стимул буоллун!» – диэтэ регион баһылыга.
Ааспыт сылга Саха сиригэр БКЭ-ни 30 оҕо 100 баалга суруйбута: 13 киһи литератураҕа, 8 — нуучча тылыгар, 4 – информатикаҕа, 2 – химияҕа, биирдии оҕо — физикаҕа, историяҕа, биологияҕа.
Экзаменационнай хампаанньа ыам ыйын 19 күнүгэр саҕаламмыта, маннык саҥа технологияларынан: «Передача экзаменационных материалов по сети «Интернет», «Печать и сканирование полного комплекта экзаменационных материалов в аудиториях ППЭ».
2022 сылга 311 эксээмэн ыытар пуун арыллыбыта.
