Тас сибээскэ уонна өрөспүүбүлүкэ норуоттарын дьыалаларыгар министиэристибэ «Конгресс — Саха сирин киинэ» судаарыстыбаннай автномнай тэрилтэни кытта үбүлүөйдээх Бэлиэни уонна брендбук оҥоруутугар улахан үлэни ыыттылар.
Үбүлүөйдээх дьыл Бэлиэлэрин оҥорууга экспертар кыттыыны ыллылар. Саха АССР эмблематын оҥорууга регион сүрүн дизайнера Ростислав Павлов кытынна.
Эмблеманы сүрэхтээһиҥҥэ экспертэр үчүгэй сыананы биэрдилэр.
Маны сэргэ «Конгресс — Саха сирин киинэ» тэрилтэ официальнай саайт https://100yakutia.ru/ үлэлэттэ. Манна архыып матырыйааллара, кинигэлэр, научнай үлэлэр сыыппара киэптэрэ, Саха сирин музейдарынан айан, театр онлайн көрдөрүүлэрэ, документальнай уонна художественнай киинэлэр киллэрилиннилэр.
