Саха сирин өрүстэринэн муус ааһар кэмигэр элбэх үлэ ыытылынна. Ол туһунан брифиҥҥэ регион бырабыыталыстыбатын бэрэссэдээтэлин бастакы солбуйааччыта Дмитрий Садовников эттэ.
Өлүөнэ өрүскэ муус Булуҥҥа тиийдэ. Үөһээ тардыыта Эдьигээн улууһун Дьардьаан сэлиэнньэтиттэн 20 км үөһэ, аллараата — Булуҥ оройуонун Сииктээҕэ.
Халымаҕа үөһээ тардыыта 170 км Среднеколымскай куораттан аллараа баар, алларата — 310 км куораттан аллараа. Уу ылбыт тиэргэннэрэ, порт көтөр балаһата ууттан босхолоннулар.
Дьааҥы эбэҕэ үөһэ тардыыта 50 км үөһэ Усуйаана Казачье сэлиэнньэтиттэн үөһэ, алларата — сэлиэнньэттэн 15 км аллараа. Индигиркаҕа муус Абый оройуонун территориятынан ааһар. Өлөөҥҥө үөһэ тардыыта — Ярольинтан аллараа, алларата — Сухан гидропост аннынан.
This post was published on 26.05.2025 13:05 13:05