29 Тохсунньу 29.01
  • -48°
  • $ 73,82
  • 83,32

«Сааскы сирэйдэр» бастыҥнара - «Дьохсоҕон бэтиэхэлэрэ»

17:37, 08 апреля 2016

Таатта улууһугар нэһилиэктэргэ көһө сылдьан хас саас ахсын «Сааскы сирэйдэр» диэн көр-күлүү киэһэтэ ыытыллар. Быйылгы күрэһи Дьохсоҕоннооҕу «Алампа» сынньалаҥ киинэ (дириэктэр Изабелла Жараева) иилээн-саҕалаан ыытта. Бу туһунан уус-уран салайааччы Анна Константиноваттан ыйыталастыбыт.


«Тэрээһин улууска көр-күлүү жанрын сайыннарар, бу хайысханы сэҥээрэн кыттар эдэр ыччаты үүннэрэн-сайыннаран таһаарар сыаллаах тэриллэр. Манна көрдөөх сценкаттан саҕалаан кэпсээн кэпсиэхтэрин, үгэ, монолог ааҕыахтарын, пародиялыахтарын да сөп. Маныаха дьээбэ-хообо, көр-күлүү сылааны аһарар, сүргэни көтөҕөр, санааны күүһүрдэр, олоҕу уһатар диэн мээнэҕэ эппэттэр. Дьэ ол иһин, тыа сирин үлэһит дьоно-сэргэтэ күннээҕи түбүктэрин-садьыктарын кыратык тохтотон түһүлгэҕэ түмсэннэр санааларын көнньүөрдэллэр, дууһаларын манньыталлар. Ону таба өйдөөн, куонкуруспутугар кыттааччы, көрөөччү элбээн иһэр», — диир Анна Васильевна. Итиэннэ саалаҕа олорооччулар ытыстарын тыаһынан сыанаҕа тахсыбыт дьоҥҥо өйөбүл, тирэх буолалларыгар махтанар.

көр0

Долгутуулаах дьоро киэһэ үрдүк таһымнаахтык ааспыт. Түмүккэ «Сааскы сирэйдэр» анал ааты «Дьохсоҕон бэтиэхэлэрэ» (Дьохсоҕон) ылан үөрбүттэр-көппүттэр. Иккис бириистээх миэстэҕэ «Ньуура суохтар» (Уолба), үһүскэ «Мүчүк» бөлөх (Дэбдиргэ) тиксибиттэр. Ыраахтан кэлбит баайаҕалар «Элэкис-мэлэкис» бөлөхтөрө төрдүскэ тахсыбыттар.

IMG-20160404-WA0068

Быйылгы күөн күрэс уйгуну-быйаҥы олохтоохторго ордук тосхойбут. «Саамай саастаах кыттааччы» анал аата сааһын тухары нэһилиэгин чиэһин көмүскээбит Анатолий Аянитовка, «Дьахтар бастыҥ оруола» Наталья Поповаҕа (дьохсоҕоннор) туттарылланнар дойдулаахтарын айхалынан арыалламмыттар. Көрөөччүлэр уонна дьүүллүүр сүбэ бу нэһилиэк эдэр ыччатын Алик Макаровы оруолларын кыайа-хото тутан толору арыйбытын ордук чорботон бэлиэтээбиттэр, инникитин киниттэн элбэҕи эрэнэ күүтэллэрин эппиттэр. Алена Поповаҕа, Людмила Андросоваҕа, Изабелла Жараеваҕа, Анна Константиноваҕа, Мария Сивцеваҕа (дьохсоҕоннор) табыллан оонньообуттарыгар махтаммыттар.

IMG-20160404-WA0065

Дьоро киэһэ дохсун ытыс тыаһыгар доҕуһуоллатан эр киһи оруолугар бастыҥынан Марат Лопатин (Дэбдиргэ), «Күндү күлүүк» анал ааты Светлана Юнчанова (Уолба) ыланнар үөрүү өрөгөйө буолбут. Дьүүллүүр сүбэҕэ үлэлээбит улуустааҕы култуура управлениетын «Кустук» оҕо образцовай мини-тыйаатырын салайааччы Татьяна Захарова, управление методиһа Нарыйа Николаева хас биирдии үлэни үрдүктүк сыаналаабыттар, санааларын үллэстибиттэр.

көр

0
0
Тутаах тыллар
29 января 29.01
  • -48°
  • $ 73,82
  • 83,32