Быйылгы халаан уутун кэтээн көрүүгэ пилота суох көтөр аппарааттары туһанар былааннаахтар. ЯСИА-ҕа экология министиэристибэтин ууга сыһыаннаһыыларын департаменын салайааччыта Анисия Игнатьева эппитинэн, БПЛА-ны биирдиилээн миэстэлэринэн туттуохтара.
«Билигин аппарат үлэтин бэрэбиэркэлиибит, өрөспүүбүлүкэ иниспиэксийэлэригэр төһө наадатын суоттанабыт. Сүрүн сирдэргэ эрэ туттар былааннаахпыт», – диэтэ Анисия Игнатьева.
Маны сэргэ, кулун тутар бүтүөр диэри өрөспүүбүлүкэҕэ экстренэй биллэрии сэттэ комплекснай систиэмэтин эбийиэгэ киллэриллиэҕэ. Гражданскай оборуона дьыалаларыгар министиэристибэҕэ эппиттэринэн, систиэмэлэр Үөһээ Бүлүү улууһун Быччагданыгар, Кэбээйи Арыылааҕар уонна Баҕадьытыгар, Уус Майа Тумула уонна Югорёногар, Чурапчы Бэрэтигэр уонна Хаҥалас Чараҥар туруохтара.
This post was published on 11.03.2025 17:01 17:01