Аҕыйах хонуктааҕыта Ньурба улууһугар СӨ тыатын хаһаайыстыбатын уонна аска-үөлгэ бэлиитикэтин министиэристибэтиттэн кэлэн, ыанар ынахтарга хонтуруолунай ыамы оҥордулар диэн «Ньурба уоттара» хаһыат суруйар.
«Ньурба-Агро МТС» аахсыйалаах уопсастыба Буомба диэн ааттаах ынаҕа күҥҥэ 28,4 кг үүтү биэрэн, Бүлүү сүнньүгэр рекорд олохтоото! Ол эбэтэр, ыамын ахсын уончалыы киилэ үүтү биэдэрэни толору биэрэр эбит. Бу дьыл баччатыгар олус үрдүк көрдөрүү буолар.
Онон ыанньыксыт Валерий Иванов ынаҕын кытта министиэристибэ үлэһиттэрин да, биир идэлээхтэрин да улаханнык сөхтөрбүт.
Ынах үүтэ — тылыгар» диэн мээнэҕэ эппэттэр. Маннык үүттээх ынах сайын күөх окко мэччийэн, күн уотун сыламын тылынан салбаан иҥэринэн, өссө элбэх үүтү биэриэ, үрүҥ илгэни үрүлүтүө турдаҕа, суруйда Саха сирэ саайт.
This post was published on 17.04.2024 12:34 12:34