Бастакы түһүмэх Марха олохтоохторун ыраас иһэр уунан киин уу ситимиттэн хааччыйыаҕа. 2025 сылга бырайыактыыр-сметалыыр докумуон оҥоһуллуоҕа уонна инженернай чинчийии саҕаланыаҕа. Иккис түһүмэххэ «Сатал» уонна «Севернай» микрооройуоннар олохтоохторо ыраас иһэр уунан хааччыллыахтара.
«Дьокуускайга элбэх сорук турар, быһаарыыны ирдиир. Биир сүрүн дьаһал № 5-дээх уу ситимэ буолар. Үлэни салгыы ыытыахха наада, ордук куорат хоту өттүгэр, ол иһигэр Марханы хабан туран. Бары быһаарыы киин куорат маастар-кылааһын кытта тэҥҥэ тутуллан, учуоттанан барыахтаах», — диэтэ Ил Дархан.
Маны сэргэ, «Звезднай» уутун тардыытын бүтэрэр соругу туруорда, Дьокуускай соҕуруу өттүн олохтоохторун уунан хааччыйыы хаачыстыбата тупсарыгар.
This post was published on 16.01.2025 15:01 15:01