2022 сыл түмүгүнэн Саха сиригэр суол үлэтин кээмэйин рекорда саҥардылынна — 582 км суол оҥоһулунна уонна 7 муоста үлэҕэ киирдэ.
Барыта 2018 сылтан 2022 сылга диэри «куттала суох хаачыстыбалаах суол» национальнай бырайыагынан өрөспүүбүлүкэҕэ 2,5 тыһыынча массыына суола уонна 47 муоста тутулунна.
Саҥа сылга суол тутуутун тэтимэ түһүө суохтаах. «Бүлүү», «Лена», «Халыма» федеральнай суолларга улахан кээмэйдээх өрөмүөн уонна саҥардыы үлэтэ барыахтаах. Дьокуускайга ГАИ поһуттан Владимировка диэри «Умнас» суолга үлэ номнуо саҕаланна. Марха өттүттэн «Нам» суол учаастагын саҥардыы салҕанан барар. Ленскэй, Томпо уонна Өймөкөөн оройуоннарыгар 4 муоста үлэҕэ киирэрэ былааннанар. Киин куорат — Ленин проспегын сүрүн магистралын толору саҥардыы быйыл алтынньы бүтүөр диэри түмүктэниэхтээх. Үлэ бара турар.
