Сир кодексыгар учаастагы туһаныыга биир кэлим быраабылалардаах саҥа бас (глава) баар буолла, суруйда Саха парламент саайт.
Урукку сылларга эрэгийиэннэр истэригэр сири туһаныыга араастааһын тахсара. Билигин саҥа докумуоҥҥа олоҕуран, дойду үрдүнэн чопчу барыта быһаарылынна. Бас билээччи сиригэр тугунан дьарыктанара, эбэһээтилистибэтэ сурулунна. Сири туһаныы куорат тутуутун былааныгар сөп түбэһиэхтээх, маныаха федеральнай классификатор баар буолла.
Хас биирдии учаастакка “сүрүн”, “көмө буолар” уонна сорох түгэннэргэ “болдьохтоох” диэн өйдөбүллэр киириэхтэрэ. Баай-дуол биир кэлим судаарыстыбаннай эридьиэһигэр сири туһаныы талыллыахтаах. Сир учаастагын туһаныы көҥүлүн уонна тутууну кытары ситим олохтонно.
Бу уларыйыы сүрүннээн саҥа сирдэргэ сыһыаннаах. Кулун тутар 1 күнүгэр диэри докумуоҥҥа киирбит суруллуулар оннуларынан хаалаллар. Өскөтүн учаастак туһунан сибиэдэнньэ эридьиэскэ суох буоллаҕына, кылгас болдьоххо быраабы олохтообут докумуоннарга хайдах суруллубутунан ылыллыаҕа.
Саҥа сокуонунан сири туһаныы көрүҥүн уларытар балайда түргэтиэхтээх, сорох түгэннэргэ иһитиннэрии эрэ ирдэнэр буолуо.
Даачалары бас билээччилэр кулун тутар 1 күнүттэн учаастактарын сыыс оттортон ыраастыыр эбээһинэстэниэхтэрэ, бастатан туран “дьааттаах борщевиктан”. Бу туһунан федеральнай нуорма олоххо киирдэ. Өскөтүн учаастак толору сыыс отунан үүммүт буоллаҕына, бас билээччи административнай миэрэҕэ тардыллыа.
This post was published on 12.03.2026 14:17 14:17