Саҥа үөрэх дьыла үгэс быһыытынан оскуолаҕа баран үөрэнии быһыытынан тэриллиэ. Быһыыны ылбатах төрөппүттэр оҕолоро үөрэммэттэр диэн иһитиннэрии олоҕо суох диэн, үөрэх миниистирэ Михаил Сивцев бэҕэһээ социальнай ситимнэринэн быһа тахсыытын кэмигэр эттэ.
Ити эрэн биэдэмистибэ төрөппүттэр быһыы ылбыттарын учуоттуо, уопсай туругу билээри кэтээн көрүө.
«Балаҕан ыйын 1 күнүттэн үөрэх уруккутун курдук саҕаланыа. Хас биирдии оскуола туох-ханнык балаһыанньалааҕын билиэх тустаахпыт», — диэтэ Михаил Сивцев.
Кэтээн көрүүгэ кыттар туһуттан быһыыны ылбыт төрөппүттэр сэртипикээттэрин кылаас салайааччытыгар көрдөрүөхтэрин сөп.
Билии күнэ дьон тоҕуоруһуута суох ыытыллыа. Үчүгэй күн турдаҕына тэрээһиннэр таһырдьа барыахтара.
This post was published on 27.08.2021 11:01 11:01