Дьокуускай оптуобуһун пааркатын Volgabus мааркалаах 50 массыына хаҥатар. Итинтэн 44-дэ куоракка тиэрдилиннэ, өссө иккитэ — Аллараа Бэстээххэ кэллэ, түөрдэ — автособуоттан айаннаан иһэр. Ол туһунан Дьокуускай куорат былаанныыр мунньаҕар тохсунньу 12 күнүгэр иһитиннэрдилэр.
Мэр Евгений Григорьев тиэхиньикэни регистрациялааһын уонна хааччыйыы үлэтин түргэтэтэргэ сорудахтаата. Саҥа оптуобустар тохсунньу бүтүүтүгэр — олунньу саҥатыгар маршрутка тахсаллара күүтүллэр.
Санатан эттэххэ, 2026 сыл тохсунньу 1 күнүттэн Дьокуускайга уопсастыбаннай тырааныспарга айан сыаната уларыйбыта. Билигин оптуобуһунан уонна баан каартатынан төлөөтөххө куорат устун айан 58 солк., «Спутник» каартанан — 46 солк. Куорат таһынааҕы хайысхаларынан тарыып 100 солк.диэри үрдээтэ.
This post was published on 12.01.2026 11:16 11:16