15 От ыйа 15.07
  • 19°
  • $ 87,74
  • 95,76

Саҥа дьыллааҕы харыйа уотун уматыы кэмигэр муммут оҕону Саха тыйаатыра кэпсээтэ

15:27, 04 декабря 2023
Текст:
Хаартыска: Андрей Сорокин, ЯСИА
Читайте нас на
Яндекс Новости
ЯДВ

Ахсынньы 1 күнүгэр Дьокуускайга Орджоникидзе болуоссатыгар саҥа дьыллааҕы харыйа уотун уматыы кэмигэр уол оҕо мунар. Оҕо ийэтэ этэринэн, уола иттээри уонна төлөпүөнүн ииттэрээри Саха тыйаатырыгар киирэр, ити эрээри онно киниэхэ аккаастыыллар.

Уол уоскуйарыгар уонна ийэтигэр төлөпүөннүүрүгэр полиция үлэһиттэрэ көмөлөһөллөр.

ЯСИА-ҕа тыйаатыр пресс-сулууспата иһитиннэрбитинэн, бу дьыаланан ис бэрэбиэркэ барар. «Оҕо куруһуок кэннэ саҥа дьыллааҕы харыйаны көрө доҕотторун кытта барар. Элбэх киһи ортотугар доҕотторун сүтэрэр. Дьон аҕыйаабытын кэннэ, тоҥор уонна Саха тыйаатырыгар иттэ киирэр. Онно оҕону төттөрү таһырдьа үүрэллэр. Оҕобун полиция үлэһиттэрэ булаллар уонна  4 отделениеҕа илдьэллэр, миэхэ эрийэллэр», — диэн суруйда оҕо ийэтэ социальнай ситимнэргэ.

Саха тыйаатырын пресс-сулууспатыгар эппиттэринэн, иһинээҕи быһаарсыы буола турар. «Тыйаатыр салалтата билэр. Ис ирдэбил ыытыллар. Ол түмүгүнэн быһаарыы биэриэхпит», — диэтилэр.

Ахсынньы 1 күнүгэр ис дьыала үлэһиттэринэн бырааһынньык кэмигэр бэйэ бэйэлэрин сүтэрсибит төрөппүттэргэ уонна оҕолорго көмө оҥоһулунна. Барыта 12 оҕо булуллан төрөппүттэригэр тириэрдилиннэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар