Бүгүн Арассыыйаҕа бастакы саҥа дьыллааҕы харыйа Дьокуускайга умайыа. Үөрүүлээх тэрээһини НВК «Саха» ханаалыгар 15.30 ч быһа эфиргэ көрдөрүөхтэрэ.
Көрөөччүлэргэ анаан Опера уонна балет, Үүнэр көлүөнэ, Хотугу норуоттар, Нуучча тыйаатырдарын артыыстара кыттыылаах кэнсиэр көрдөрүөхтэрэ. Туруорааччы режиссер — үүнэр көлүөнэ тыйаатырын кылаабынай режиссера Александр Титигиров. Тэрээһини артыыс Степан Федоренко уонна НВК «Саха» ыытааччыта Екатерина Винокурова ыытыахтара.
Харыйаны уматыыга остуоруйа дьоруойдара — Чысхаан, Кыһын кыттыыны ылыахтара.
Биэриини НВК «Саха» ханаалыгар эбэтэр nvk-online.ru, yk24.ru саайтарга көрүөххэ сөп.
This post was published on 01.12.2020 11:01 11:01