Россия сүрүн харыйата, ахсынньы 12 күнүгэр Москва уобалаһын Волоколамскай куорат уокуругар бэлэмнэниллибити, ахсынньы 14 күнүгэр Кремльга киллэриллэр. Харыйа 95 саастаах, үрдүгэ — 27 миэтэрэ, диаметра — 56 см, лабааларын уһуна — 10 миэтэрэ.
Кремль харыйатын «Друзья леса» оскуола ойууру кытта үлэтин дьарыгын кэмигэр булбуттара. Ойуур үлэһитэ оҕолору кытта улахан кыраһыабай маһы бэлиэтии көрбүттэрэ уонна параметрдарын кэмнииргэ былааннаммыттара. Үлэ түмүгэр харыйа «кремлевскай стандартка» эппиэттиир буолбута.
Инникитин харыйа туораҕыттан сиэмэ тартаран, оскуолаларын таһыгар олордорго быһаардылар. Ол туһунан ТАСС суруйда.
Тыыннаах харыйаны Кремль Соборнай болуоссатыгар 1996 сылтан симииллэр. 2001–2005 сылларга, тымныыта бэрдиттэн, искусственнай харыйаны туруора сылдьыбыттар. 2005 уонна 2006 сылларга Кремли Моруос Оҕонньор дойдутуттан Улуу Устюгтан аҕалаллыбыт харыйалар киэргэппиттэр. 2007 сылтан харыйалары Подмосковьеттан аҕалаллара.
Үгэс быһыытынан харыйа Кремльга Спасскай боруоталарынан үөрүүлээх быһыыга-майгыга киллэриллэр, онно анаан сылга биирдэ боруотаны арыйаллар. Харыйаны автопоеһынан аҕалаллар.
This post was published on 14.12.2022 17:01 17:01