28 Кулун тутар 28.03
  • -11°
  • $ 92,59
  • 100,27

Саҥа дьылга кулууптары үлэлэтэр туһунан быһаарыыны улуус таһымыгар ылыныахтара

15:01, 15 декабря 2020
Текст:
Читайте нас на
Яндекс Новости
ЯДВ

Саҥа дьылга кулууптары үлэлэтэр туһунан быһаарыыны улуус таһымыгар ылыныахтара. Маныаха өрөспүүбүлүкэтээҕи суһал ыстаап, Роспотребнадзор ирдэбиллэрин толору тутуһуу булгуччу ирдэнэр. 


Бүгүҥҥү күҥҥэ Саха сиригэр 32 култуура дьиэтэ үлэтин саҕалаата. Атын  454 тэрилтэ онлайн үлэлиир.

Саҥа дьылга үлэлиир туһунан быһаарыныыны олохтоох салалталар ылыналлар. Өрөспүүбүлүкэтээҕи суһал ыстаап быһаарыытынан кулууптар саалалара 50%-тан элбэҕэ суох толору буолуохтаах. Куруһуоктарга, араас интэриэһинэн дьарыктарга 15-тэн элбэх киһи мустуо суохтаах. 65 саастарыттан үөһээ дьон тэрээһиннэргэ кытталлара бобуллар.

Маны таһынан Роспотребнадзор олоҕурбут ирдэбиллэрин — бэйэ ыккардыгар арыты тутуһуу, салгыны ыраастааһын, илиини чэбэрдик тутуу, харыстанар тус сириэстибэлэри туттуу булгуччулаах.

Билиҥҥитэ көрөөччүнү кытары үлэлэрин өрөспүүбүлүкэтээҕи култуура дьиэлэрэ саҕалаан эрэллэр. Ол курдук бу нэдиэлэттэн Хоту аҕыйах ахсааннаах норуоттарын тыйаатырдара, Саха, нуучча, Опера уонна балет, үҥкүү тыйаатырдара, Нерюнгритааҕы куукула, Ньурбатааҕы тыйаатырдар үлэлэрин саҕалыахтара.

Следите за самым важным и интересным в Telegram-канале и WhatsApp-группе ЯСИА