24 От ыйа 24.07
  • 21°
  • $ 87,3
  • 95,46

Саҥа айылҕа паарката тэриллэр

17:20, 17 октября 2018
Текст:
Читайте нас на
Яндекс Новости
ЯДВ

Саха сиригэр кыталык Илин Сибиирдээҕи популяциятын харыстааһын ыытыллар “Кыталык” национальнай паарканы бырайыактааһыны түмүктээтилэр, диэн РИА Новостига өрөспүүбүлүкэ экологияҕа, айылҕаны туһаныыга уонна ойуур хаһаайыстыбатыгар миниистирин э.т. Сахамин Афанасьев иһитиннэрдэ. “Экология” федеральнай бырайыак чэрчитинэн Аллайыахаҕа “Кыталык” национальнай паарка тэриллиэҕэ. “Билиҥҥи туругунан, паарканы бырайыактааһын үлэтин түмүктээтибит”, — диэтэ Афанасьев.

“Кэнники ыытыллыбыт научнай чинчийиилэр көрдөрбүттэринэн, кыталык ахсаана 60-с сыллары кытта тэҥнээтэххэ, 4-4,5 тыһыынчаҕа тиийдэ”, — диэтэ салгыы кини. Эркээйи сир статуһун үрдэтэр туһунан боппуруоһу 1996 с. Саха сирин салалтата көтөхпүтэ. Ити сыл Швеция Уппсала куоратыгар WWF мунньаҕар “Кыталык” ресурснай резерваты бу тэрилтэ аан дойдутааҕы фондатын Германиятааҕы салаатын көмөтүнэн тэрийэргэ уураах ылыныллыбыта. Былырыын өрөспүүбүлүкэ баһылыга Егор Борисов ЮНЕСКО генеральнай дириэктэрэ Ирина Бокованы кытта коммюникеҕа илии баттаһаннар, “Кыталык” госзаказник баазатыгар ЮНЕСКО биосфернай резерватын тэрийэр туһунан идея өйөммүтэ.

Следите за самым важным и интересным в Telegram-канале и WhatsApp-группе ЯСИА