Үс сыллаах Саха сирин бюджетын бырайыага үчүгэй динамиканы көрдөрөр уонна сэтинньи бүтүүтүгэр федеральнайдааҕы үп суотугар улаатыаҕа. Бу туһунан өрөспүүбүлүкэ үбүн миниистирин э.т. Иван Алексеев бырайыагы Судаарыстыбаннай Мунньах (Ил Тумэн) депутаттара бастакы ааҕыыга биһирээбиттэрин кэннэ иһитиннэрдэ.
«Сокуон барыла бастакы ааҕыыга ылыллан, сэтинньи бүтүүтэ, регламен быһыытынан, иккис ааҕыыга көрүллүөхтээҕин бэлиэтиэххэ наада. Ол быһыытынан, пленарнай мунньах кэмигэр иһитиннэриллибит сыыппаралар бүтэһиктээх буолбатахтар. Биһиги бюджеппыт федеральнай бюджеттыын тэҥҥэ үөскээн иһэринэн улаатыахтара. Биһиги ылар эбии дотацияларбыт, субсидияларбыт уонна субвенцияларбыт учуоттаныахтара уонна иккис ааҕыыга бэлэмнэниигэ сокуон барылыгар көстүөхтэрэ», — диэтэ Иван Алексеев.
Бюджет параметрдарын бүтэһиктээхтик көрүү уонна бигэргэтии сэтинньи бүтэһигэр иккис ааҕыы кэмигэр былааннанар.
