Бүтүн Арассыыйатааҕы норуот фронун актыбыыстара Нам оройуонун Партизан уонна Никольскай сэлиэнньэлэригэр медицинскэй көмө хайдах оҥоһулларын бэрэбиэркэлээтилэр.
Партизаҥҥа баар амбулатория 1044 олохтооҕу хааччыйар. 7 үлэһиттээх. Клиническэй лабораториялаах. Сибээһэ, интернетэ үчүгэй. Ол эрээри толору хааччыллыылаах туалета суох, иһэр ууну тиэйэллэр.
Никольскайга 451 киһи олохтоох биэлсэр пуунугар эмтэнэр. Кардиограф, дефибриллятор, гинеколог кириэһилэтэ суохтар. Биир биэлсэрдээхтэр. Оҕо көтөҕөөччү суох. Манна быраас Хамаҕаттаттан кэлэн көрөн барар.
Бырайыак эксперэ, Дьокуускай куорат 3 №-дээх балыыһатын кылаабынай бырааһа Светлана Давыдова, дьоҕус нэһилиэктэргэ медицинскэй көмө сөптөөхтүк оҥоһулларын бэлиэтээтэ. “Нэһилиэнньэ өттүттэн үҥсүү-харсыы суох”, — диэтэ кини.
СИА.
