«Гражданскай уопсастыба: Кыайыыга түмсүү» гражданскай порум чэрчитинэн ХИФУ «Точка кипения» миэстэтигэр “Коммерческайа суох тэрилтэлэргэ президент гранын пуондатын куонкурустарыгар кыттар уонна кыайар кыахтар” диэн семинар буолла.
Тэрээһин спикеринэн президент граннарын пуондатын үөрэтэр бырагыраамалар департаменын салайааччыта уонна «НКО салайар оскуолата» АНО генеральнай дириэктэрэ Анна Никифорова буолла.
Семинар 100-тэн тахса кыттааччыны — өрөспүүбүлүкэ коммерческайа суох тэрилтэлэрин, ресурснай кииннэрин бэрэстэбиитэллэрин, көхтөөх гражданнары уонна дьону түмтэ.
Анна Никифорова сайаапканы биэрии быраабылаларын, куонкуруска талыы уратыларын сиһилии кэпсээтэ, ону тэҥэ кыайыы кыаҕын үрдэтэргэ көмөлөһөр практическай сүбэлэри үллэһиннэ.
Санатан эттэххэ, Дьокуускайга балаҕан ыйын 9-10 күннэригэр Аҕа Дойду Улуу сэриитигэр Кыайыы 80 сылыгар, Российскай Федерацияҕа Аҕа дойдуну көмүскээччи Сылыгар, Саха сиригэр Дойдуну көмүскээччи Сылыгар аналлаах «Гражданскай общество: Кыайыыга түмсүү» гражданскай пуорум буола турар.
