11 Атырдьах ыйа 11.08
  • 16°
  • $ 60,45
  • 61,7

Сүрэх-тымыр киинэ бу сыл ахсынньытыгар үлэҕэ киириэ

Дьокуускайга тутулла турар сүрэх-тымыр киинэ бу сыл ахсынньытыгар үлэҕэ киириэ. Национальнай мэдиссиинэ киинин кытары сылаас туоруур сиринэн силбэһэр балыыһа 15,5 тыһ. кв. м. иэннээх, аҕыс этээстээх, 150 ыарыһаҕы тэҥинэн эмтиир кыахтаах буолуо. 


Национальнай мэдиссиинэ киинин кылаабынай бырааһа Станислав Жирков 2022 сыл саҥатыттан бастакы ыарыһахтары тутан барыахтарын иһитиннэрэр.

«Манна инфарктаабыт, инсуллаабыт дьон эмтэниэхтэрэ. Ону таһынан, рентгенэндоваскулярной эпэрээссийэлэр оҥоһуллуохтара. 150 куойкаттан 25-һэ реанимация салаата буолуо», — диэтэ кини.

Ньукуолун күн эбийиэги көрбүт Ил Дархан Айсен Николаев саҥа кииҥҥэ 300-тэн тахса үрдүк таһымнаах быраас үлэлиэн, киин аныгылыы, саҥа диагностика-эмп тэриллэринэн хааччыллыылаах буолуон, сүрэх-тымыр ыарыылаах дьон өрөспүүбүлүкэ иһигэр доруобуйаларын туругун тупсарыахтарын эттэ.

Следите за самым важным и интересным в Telegram-канале и WhatsApp-группе ЯСИА
0
0