Ахсынньы 21 күнүгэр, оптуорунньукка, Дьокуускай — Аллараа Бэстээх маршрутунан «Московский – 11» теплоход үлэтин тиһэх күнэ. Салгыы пассажирдары салгын олбохтоох суудуналар эрэ тиэйэллэр. Линияҕа «Хивус» ахсаана элбээтэ, диэн Саха сирин тырааныспарга министиэристибэтэ иһитиннэрэр.
Дьокуускайтан салгын олбохтоох суудуналар 204 микрооройуоҥҥа баар “Намыв” ыстаансыйаттан араҕаллар. Билигин сүүрбэ “Хивус” сүүрэр.
Айан сыаната 2500 солк. тэҥнэһэр. Муус күүскэ хамсааһынын кэмигэр оттук ороскуота улаатан, аэробот туһаныы саҕаланнаҕына, сыана быстах кэмҥэ үрдүөн сөп.
Салгын олбохтоох суудуналар уонна аэроботтар Алдан уонна Бүлүү өрүстэргэ эмиэ үлэлииллэр. Айан сыаната: Бүлүү өрүскэ – 1000 солк., Алдан өрүскэ — биир пассажиртан 2500 солк.
