19 От ыйа 19.07
  • 21°
  • $ 87,88
  • 96,1

«Сүрүн ыйытык»: Саха сирин дьоно-сэргэтэ Егор Борисовка 60-тан тахса ыйытыгы ыыттылар

16:12, 15 декабря 2016
Текст:
Читайте нас на
Яндекс Новости
ЯДВ

«Сахамедиа» холдинг «Сүрүн ыйытык» мультимедийнай бырайыак үһүс таһаарыытыгар анаан ыйытыктары хомуйар. Биэрии ыытааччыта холдинг генеральнай дириэктэрэ Кирилл Алексеев.


Бүгүҥҥү ааҕыынан 60-тан тахса ыйытык эрэдээксийэҕэ киирдэ.

Өлүөнэ өрүһү туоруур муостаны тутуу, хотугу эбиллии уруккутунан хаалара, элбэх оҕолоохтору өйөөһүн, электроэниэргийэҕэ тарыып хайдах үөскэтиллэрэ, о.д.а Саха сирин олохтоохторун долгутарын биллэрдилэр.

Ону таһынан Уһук Илиҥҥэ гектар сири босхо биэрии, бырабыыталыстыбаны уларытыы, автобуска борогуон сыаната, АЛРОСА акцияларын, 2-с №-дээх ГРЭС тутуллуута, предпринимателлэри өйөөһүн, о.д.а. сыһыаннаах ыйытыктар киирдилэр.

Итилэртэн хайа ыйытыгы иҥэн-тоҥон ырытары ааҕааччылар куоластаан талыахтара.

Ыйытыктары хомуйуу ахсынньы 15 күнүгэр 15.00 түмүктэнэр. Ахсынньы 16 күнүгэр холдинг суруналыыстара, улуустар хаһыаттарын эрэдээктэрдэрэ сытыы биэс ыйытыгы быһаарыахтара.

Куоластааһын ахсынньы 19 күнүттэн саҕаланар.

Следите за самым важным и интересным в Telegram-канале и WhatsApp-группе ЯСИА