18 Тохсунньу 18.01
  • -48°
  • $ 73,82
  • 83,32

"Сүрүн ыйытык": Куоластааһын түмүктэннэ

15:38, 14 октября 2016
Текст:

«СИА» саайтыгар Ил Дарханы кытта «Сүрүн ыйытык» бырайыак бастакы таһаарыытын тиэмэтэ быһаарылынна. Куоластааһын түмүгэр биллибитинэн, Саха сирин олохтоохторо (кыттыбыт дьон 31%) сир баайын туһаҕа таһаарар бөдөҥ тэрилтэлэри кытта хардарыта сыһыаны олохтооһун тиэмэтин таллылар.


Хас нэдиэлэ аайы СИА саайтыгар ыйытыктары хомуйаллар. Экспердэр: холдинг суруналыыстара уонна оройуоннар хаһыаттарын бэрэстэбиитэллэрэ тыҥаан турар биэс тиэмэни талбыттара, онтон портал ааҕааччылара куоластааһын түмүгэр бастакы таһаарыы ис хоһоонун быһаардылар. Бырагыраама видео биэрсийэтэ СИА порталыгар, матырыйааллар «Якутия» уонна «Саха сирэ» хаһыаттарга бэчээттэнэллэр.

Биэриини «Сахамедиа» генеральнай дириэктэрэ Кирилл Алексеев иилээн-саҕалаан ыытар.

Аныгыскы «Сүрүн ыйытыкка» тиэмэни талыы сэтинньигэ саҕаланар.

0
0
18 января 18.01
  • -48°
  • $ 73,82
  • 83,32