«Сахамедиа» холдинг «Сүрүн ыйытык» бырайыага салгыы ыытыллар. Бу бырайыак чэрчитинэн дьон-сэргэ өрөспүүбүлүкэ баһылыгын Егор Борисовы кытта саамай тутаах боппуруостары ырытар кыахтаналлар. Бырагырааманы холдинг генеральнай дириэктэрэ Кирилл Алексеев иилээн-саҕалаан ыытар.
Хас нэдиэлэ аайы СИА саайтыгар ыйытыктары хомуйаллар. Бүгүҥҥү ааҕыынан СИА эрэдээксийэтигэр хас эмэ уонунан ыйытык киирдэ. Экспердэр: холдинг суруналыыстара уонна оройуоннар хаһыаттарын бэрэстэбиитэллэрэ тыҥаан турар биэс тиэмэни талыахтара. Итинтэн куоластааһын нөҥүө дьон өрөспүүбүлүкэ баһылыгар туруорар ыйытыгын талар.
Бырагыраама видео биэрсийэтэ СИА порталыгар, матырыйааллар «Якутия» уонна «Саха сирэ» хаһыаттарга бэчээттэнэллэр.
Дьон ыйытыгын хомуйуу бэтинсэҕэ 12.00 чааска түмүктэнэр. Экспердэр үлэлэрин кэнниттэн алтынньы 7 күнүгэр киэһэ 18.00 чааска сүрүн ыйытыгы таларга куоластааһын саҕаланар. Бырагыраама бастакы таһаарыыта аныгыскы нэдиэлэҕэ саҕаланар.
Ыйытыгы манна ыытыахха сөп.
