21 От ыйа 21.07
  • 22°
  • $ 88,02
  • 96,04

Үс ойуур уотун умуллардылар

16:22, 26 июля 2018
Текст:
Читайте нас на
Яндекс Новости
ЯДВ

От ыйын 26 күнүгэр Саха сиригэр 40 979 га иэннээх 11 ойуур уотун умулларыы үлэтэ барар — диэн СӨ Ойуурун хаһаайыстыбатын департамена биллэрэр. Ол курдук, Горнайга 22 005 га иэннээх — икки, Кэбээйигэ 6 372 га иэннээх — икки, Намҥа 7 900 га иэннээх — икки, Ньурбаҕа 540 га иэннээх  биир ойуур уота умайа турар.

Маны таһынан, уоту кытта охсуһааччылар үс ойуур уотун умуллардылар. Ол курдук, Бүлүүгэ 2 000 га, Кэбээйигэ 3 922 га уонна Өлүөхүмэҕэ 11 га иэннээх ойуур уоттарын баһаары кытта охсуһааччылар кыайдылар.

Билиҥҥи туругунан, ойуур уотун умулларыыга 604 киһи уонна 54 тиэхиньикэ үлэлии сылдьар.

Баһаар саҕаланыаҕыттан ыла 91 477,79 га ойуур умайда.

Санатан эттэххэ, Саха Өрөспүүбүлүкэтигэр ыксаллаах быһыы-майгы биллэриллибитэ.

Николай Попов, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА