28 Кулун тутар 28.03
  • -11°
  • $ 92,59
  • 100,27

"СӨ ОДьКХ" тэрилтэ Саха АССР 100 сылыгар анаан, "100 үтүө дьыала" диэн акция тэрийиэҕэ

Читайте нас на
Яндекс Новости
ЯДВ

Бу сыл устата «СӨ ОДьКХ» ГУТ филиалларыгар уонна салааларыгар Саха АССР 100 сыллаах үбүлүөйүгэр аналлаах «100 үтүө дьыала» аһымал акцияны ыытыахтара, диэн тэрилтэ пресс-сулууспата иһитиннэрэр.

Тааттатааҕы филиал уонна «СахаСпецТранс» ХЭУо кэлэктииптэрэ «СӨ ОДьКХ» ГУТ «100 үтүө дьыала» акциятын саҕалаатылар, бастакы үтүө дьыаланы оҥордулар. Кинилэр Ытык-Күөлгэ олорор мэдэссиинэ үлэһитэ Клавдия Сидороваҕа  мууһун уонна маһын бэлэмнээтилэр.  Кыра оҕолорун соҕотоҕун иитэр-үөрэтэр киһиэхэ бу улахан көмө, дьиҥнээх бэлэх буолбут.

«Аһымал акция Таатта улууһуттан саҕаламмытын бэлиэ курдук сыаналыыбыт. Саха литературатын төрүттээччи, общественнай деятель уонна Саха сиригэр автономия олохтонуутун көҕүлээччилэртэн биирдэстэрэ Платон Ойуунускай Тааттаттан төрүттээх», — диэн тэрилтэ генеральнай директора Виталий Чикачев бэлиэтээтэ.

Иккис үтүө дьыала Амма сэлиэнньэтигэр оҥоһулунна. «СахаСпецТранс» ХЭУо каток оҥорорго көмөлөстө. Учаастак суоппардара оройуон киинигэр спортивнай комплекс территориятыгар алта рейс оҥорон, 60 кубометр ууну куттулар, муус оҥордулар.

Следите за самым важным и интересным в Telegram-канале и WhatsApp-группе ЯСИА