Уопсайа 150 мөл.солк. кэриҥэ суумалаах “СӨ ОДьКХ” ГУТ үлэһиттэригэр хамнас төлөбүрэ сарсыҥҥыттан саҕаланыаҕа, диэн олунньу 12 күнүгэр олорор дьиэ-коммунальнай хаһаайыстыба уонна энергетика миниистрэ Вячеслав Емельянов бырабыыталыстыба отчуотун кэмигэр иһитиннэрдэ, диэн ЯСИА суруйда.
Миниистир хамнаска иэс баарын бигэргэттэ, бытаарыы сүрүн төрүөтүнэн тэрилтэ дохуота аҕыйааһына буоларын бэлиэтээтэ. Ити бюджет тэрилтэлэрэ, коммерческай тэрилтэлэр уонна нэһилиэнньэ курдук араас категориялаах туһанааччылар өттүлэриттэн коммунальнай өҥөнү кэмигэр төлөөбөттөрүттэн таҕыста.
«“СӨ ОДьКХ” ГУТ иһитиннэриитинэн, бүгүн олунньу ыйдааҕы хамнаһы төлүүр туһунан быһаарыы ылылынна. Онон 150 мөл. солк. кэриҥэ хамнаһы ааҕыы сарсыҥҥыттан саҕаланыаҕа», — диэн Вячеслав Емельянов иһитиннэрдэ.
Миниистир төлөбүр хонтуруолга турарын бигэргэттэ. Мониторинг оҥорорго өрөспүүбүлүкэ бырабыыталыстыбатын бэрэстээтэлин солбуйааччы бэрэссэдээтэллээх биэдэмистибэлэр икки ардыларынааҕы оробуочай бөлөх тэрилиннэ. Кини састаабыгар хонтуруоллуур-кэтээн көрөр уорганнар уонна борокуратуура бэрэстэбиитэллэрэ киирдилэр. Бөлөх “СӨ ОДьКХ” ГУТ эрэ буолбакка, экономика атын сектордарыгар уонна ресурсаны хааччыйар тэрилтэлэргэ төлөбүрдэр кэмигэр бэриллэллэрин кэтээн көрөр.
