17 Тохсунньу 17.01
  • -48°
  • $ 73,82
  • 83,32

«СӨ норуодунай учуутала» бочуоттаах аат олохтонуоҕа

14:57, 08 февраля 2017
Текст:

СӨ Ил Дархана Егор Борисов көҕүлээһининэн, «СӨ норуодунай учуутала» бочуоттаах аат олохтонуоҕа. Маннык улахан аат идэлэригэр бэриниилээх үлэһиттэри көҕүлүүр, учуутал уонна уопсай үөрэхтээһин тэрилтэлэрин салайааччыларын аатын үрдэтэр инниттэн олохтонор. “СӨ Судаарыстыбаннай наҕараадаларын туһунан” Сокуоҥҥа уларытыылары киллэрии туһунан боппуруос бу күннэргэ көрүлүннэ. Ити туһунан Ил Түмэн пресс-сулууспата суруйбутун edersaas.ru бэчээттээтилэр.


СӨ Үөрэҕин уонна наукатын миниистирин солбуйааччы Елена Семенова иһитиннэрбитинэн, «СӨ норуодунай учуутала» бочуоттаах аат “РФ үтүөлээх учуутала”, “СӨ үтүөлээх учуутала”, “СӨ үөрэҕириитин үтүөлээх үлэһитэ” ааттары ылбыт кэннэ уон сыл буолан баран туттарыллар уонна хаттаан ылыы көҥүллэммэт. Сылга биир эрэ квота көрүллүө диэн эппит. Оччотугар, судаарыстыбаннай наҕараадаҕа чахчы уһулуччулаах эрэ учуутал тиксиэҕэ.

Биллэн турар, үгүстэри хамнастарыгар туох эмэ харчы эбиллэр дуо диэн боппуруос интэриэһиргэтэр. Дьокутааттар үрдүк аакка тиксибит дьон чэпчэтиинэн туһаныыларын, хамнастарыгар коэффициент эбиллиитин туһунан эмиэ кэпсэппиттэр. Тустаах Сокуон бырайыага олунньу 28 – кулун тутар 1 күннэригэр ыытыллар Ил Түмэн уочараттаах мунньаҕар көрүллүөҕэ.

0
0
17 января 17.01
  • -48°
  • $ 73,82
  • 83,32