14 От ыйа 14.07
  • 19°
  • $ 87,74
  • 95,76

Үс мөлүйүөн кэриҥэ харчыны уорбут бухгалтер сууттанна

10:59, 11 августа 2016
Текст:
Читайте нас на
Яндекс Новости
ЯДВ

Бүлүү улууһун Кыаданда уопсай үөрэхтээһин оскуолатын кылаабынай бухгалтерыгар аһара улахан үбү-харчыны уоруу иһин холуобунай дьыала тэрилиннэ. Ону борокуратуура өйөөтө.


Суукка биллибитинэн, бухгалтер Бүлүү улууһун дьаһалтатыттан оскуолаҕа бэриллибит үбү-харчыны оскуола дириэктэрин электроннай илии баттааһынын туһанан 2014 сыл атырдьах ыйын 1 күнүттэн 2015 сыл сэтинньи 24 күнүгэр диэри бэйэтин тус счетугар көһөрбүт. Ити үп-харчы уопсай суумата 2 909 323, 70 солк.

Кылаабынай бухгалтер буруйун толору билиммит, оҥорбутун кэмсиммит.

Кини буруйун толору билиммитин, сокуоннай саастарын ситэ илик үс оҕолооҕун, урукку өттүгэр сууттана сылдьыбатаҕын учуоттаан, суут 6 сылга көҥүлүн усулуобунайдык хаарчахтаата.

Ону таһынан суут 2 909 323, 70 солк. төннөрөрүгэр уурда.

Бириигэбэр билиҥҥитэ күүһүгэр киирэ илик.

Следите за самым важным и интересным в Telegram-канале и WhatsApp-группе ЯСИА