Өрөспүүбүлүкэ бюджетыттан улуустарга 96 мөл солк тыырыллар. Үбүлээһин сүөһү, сылгы кыстыгын туруктаахтык аһарыыга ананар. Уураахха бырабыыталыстыба бэрэссэдээтэлэ Андрей Тарасенко илии баттаата, суруйар СИА.
«Ил Дархан Айсен Николаев сорудаҕынан улуустарга эбии үбүлээһин көрүллэр. Сүөһү кыстыгын туруктаахтык аһардыыга анаан. Манна хаһаайыстыбаларга оту тириэрдиигэ тырааныспар ороскуота эмиэ киирсэр. Биһиги сорукпут – сүөһү-сылгы аһын толору хааччыйыахтаахпыт, сиир аһылыга суох буолан төбөнү аҕыйатыыны таһаарыа суохтаахпыт», – диэтэ Андрей Тарасенко.
Мэҥэ Хаҥалас оройуона 16,3 мөл солк, Мииринэй – 10,7 мөл солк, Нам – 8,5 мөл солк, Өймөкөөн – 3,1 мөл солк, Томпо – 12,8 мөл солк, Уус Алдан – 16,6 мөл солк, Чурапчы – 28,2 мөл солк ылыахтара.
This post was published on 26.11.2021 17:01 17:01