Саха сиригэр сүөһүгэ, сылгыга кыстык кэмэ бигэ туруктаахтык ааһар. Хаһаайыстыбалар наадалаах аһылык саппааһынан хааччыллыбыттар, диэн иһитиннэрэр регион тыа хаһаайыстыбатын министиэристибэтэ.
Улуустар дааннайдарынан, сүөһү аһылыга билигин баара: 263,8 тыһ. туонна от (кыстыкка бэлэмнэммит уопсай кээмэйтэн 61,3%), сиилэс — 17,3 тыһ. туонна (56,3%), сенаж — 7,0 тыһ. туонна (47,6%).
Хаһаайыстыбалар бары таһымнарыгар сүөһү ахсаана 150,3 тыһ. төбөнөн баһыйар, олортон ынаҕа — 63,6 тыһ. тахса бу кэмҥэ номнуо 1,2 тыһ. ынах тарбыйахтанна.
Сылгы ахсаана 168 тыһ.тахса төбө, ол иһигэр 113,2 тыһ. тахса биэ баар. Эбии аһылыкка 20 тыһ. тахса төбө сылгы туруорулунна.
Санатар буоллахха, регион баһылыга Айсен Николаев олохтоох оҥорон таһаарыыны уонна туризмы сайыннарыы туһунан стратегическай ыйааҕар 2030 сылга тыа хаһаайыстыбатын бородууксуйатын оҥорон таһаарыы уопсай кээмэйигэр 70%, эт бородууксуйатын оҥорон таһаарыы кээмэйин сылга 8 тыһ.туоннаҕа, үүт бородууксуйатын сылга 15 тыһ. туоннаҕа диэри улаатыннарар сорук туруоруллар.
This post was published on 23.01.2026 16:03 16:03