Оҕуруот аһын сыаната мантан күһүн өссө түһүөҕэ, суруйар Саха сирэ саайт.
Билигин помидор сыаната киилэтигэр 15-200 солкуобайга халбаҥныыр, кабачок 140-200 cолкуобай, хортуоппуй 70-85 cолкуобай буолбут. Оҕуруот аһыттан сатабыллаах хаһаайкалар араас кэнсиэрбэлэри оҥорон хаһааналлар. Ол эрээри, уһун кыһын устата сииргэ олус судургу хаһаас ырысыаба эмиэ баар.
Ол курдук, кабачогу, моркуобу, помидору, болгарскай биэрэһи, оҕурсуну, укуруобу барытын куубуктуу, соломолуу быһан баран булкуйуллар. Ол кэннэ салапааҥҥа кутан баран, тымныыга тоҥоро уурдахха, күһүҥҥү сибиэһэйин сүтэрбэт. Кыһын томатнай пааста кутан баран, соркуойга эбэн буһардахха туох да ааттаах.
