Саха сирин хамаандата XII Россиятааҕы кыһыҥҥы тыа сирин оонньууларыгар кытынна. Аҕа дойду улуу сэриитигэр Кыайыы 80 сылыгар анаммыт күрэхтэһии кулун тутар 13 — 17 күннэригэр Алтай кыраайын Барнаул куоратыгар буолла. Ол туһунан өрөспүүбүлүкэ физкультураҕа уонна маассабай спортка управлениета иһитиннэрдэ.
«Улахан ситиһиини Пермяковтар дьиэ кэргэттэрэ ылла. Ангелина уонна Антон дуобакка кыһыл көмүс мэтээли туттулар. Классика истиилинэн хайыһарга эр дьоҥҥо иккис миэстэни Никита Шестаков сурунна, хамаандаҕа үрүҥ көмүс мэтээли аҕалла», — суруллар иһитиннэриигэ.
Тыа сирин оонньууларыгар киирсэр: хайыһар, полиатлон, спортивнай дьиэ кэргэн күрэҕэ, ыанньыксыттар, механизатордар күрэхтэрэ, саахымат уонна дуобат.
This post was published on 21.03.2025 17:06 17:06