25 От ыйа 25.07
  • 29°
  • $ 86,55
  • 94,38

Россия күнэ – ил-эйэ уонна сиэрдээх буолуу бырааһынньыга

09:30, 12 июня 2018
Текст:
Читайте нас на
Яндекс Новости
ЯДВ

—Арассыыйа күнүн үлэбитигэр ситиһиилээх көрсөрбүт олохпут сайдан иһиитин туоһутунан буолар. Быйылгы сыл улууспутугар Үлэ сылынан биллэриллибитэ. Итинтэн сиэттэрэн нэһилиэнньэ үлэлээх буолуутун хааччыйыыга, анал идэлээх үөрэхтээһини сайыннарыыга уонна үлэ биэрээччилэр ахсааннарын элбэтиигэ былааннаах үлэ ыытыллар.

Быйыл Аһыма—Бэрдьигэстээх магистральнай газситимин тутуута түмүктэнэн Бэрдьигэстээх нэһилиэгин гаастааһын саҕаланыахтаах. Гражданнары хаарбах дьиэттэн көһөрүү бырагыраама чэрчитинэн Бэрдьигэстээххэ 17 уонна 18 кыбартыыралаах хастыы да мэндиэмэннээх дьиэлэр тутуулара  ыытыллар. Үтүө дьыала хамсааһын чэрчитинэн Күөрэлээх уонна Маҕарас бөһүөлэктэригэр исписэлиистэргэ түөрт кыбартыыралаах олорор дьиэ тутуллар.

Сир боппуруоһугар үлэбитигэр тиһиктээхтик ылсабыт. Быйыл 444 га сир ыһыыга ананна. Бэрдьигэстээххэ, Дьиикимдэҕэ, Маҕараска, Кэптиҥҥэ тыа хаһаайыстыбатын бородууксуйатын астыыр, үүтү тутар арыы сыахтара тутуллан үлэҕэ киллэриллиэхтэрэ, туох баар тэриллэрэ саҥардыллыахтара.

Кэлэр сылларга үлэбитин-хамнаспытын эрдэттэн былааннаан, ырытан көрөбүт. 2021 сылга Горнай улууһугар спорт национальнай көрүҥнэригэр XXI “Манчаары спартакиадын” ыытар туһунан быһаарыы ылыныллыбыта. Бу дьаһалларга бэлэмнэнии үлэ номнуо саҕаланна. Бу, биллэн турар, биһиги улууспут киин бөһүөлэгин — Бэрдьигэстээҕи, нэһилиэктэри тупсарарга, олорорго өссө табыгастаах оҥорорго эбии кыахтары биэриэҕэ, спортивнай эбийиэктэр тутуллуохтара. Ол барыта норуоппутугар, кэлэр кэнчээри ыччаппытыгар хайдахтаах туһалаах буолуоҕай?!

Улуус олохтоохторо биир сананан салайтаран, сомоҕолоһон, бары көхтөөхтүк кыттан, күрэхтэһии үрдүк тэрээһиннээхтик ыытылларыгар кылааппытын киллэрэрбитигэр эрэнэбин.

Россия күнэ — Россия бары олохтоохторун көҥүллэрин, гражданскай ил-эйэ уонна сиэрдээх быһыы бырааһынньыгынан буолар.

Өрөспүүбүлүкэ уонна улуус салалтата бииргэ үлэлээһиннэрин түмүгэр улуус олохтоохторо сарсыҥҥы күҥҥэ эрэллээхтэр, улууспут сайдарыгар, үүнэригэр айымньылаах үлэбитин салгыы ыытарга бигэ санаалаахпыт. Улуус кэлиҥҥи сылларга иннин диэки баран иһэригэр саҥатытыы уонна сайдыы тосхолун тутуспутун булгуччу салгыаҕа.

“Саха сирэ” хаһыат ааҕааччыларыгар, Сахабыт сирин бары олохтоохторугар чэгиэн доруобуйаны, ситиһиилээх үлэни, дьолу-соргуну, сарсыҥҥы күҥҥэ эрэллээх буолууну баҕарабын.

Никита Андреев, Горнай улууһун баһылыга

 

0

0
Следите за самым важным и интересным в Telegram-канале и WhatsApp-группе ЯСИА